Poesie

Stampa questo articolo

Indimenticâbil Caranvèl 2004

Sandro Sermenghi, febrèr dal 2004

O mî bî letûr dal Sît Bulgnais,
guè! l’é l’åura ed ruzlèr zå pr äl schèl
parché fenalmänt… l é caranvèl!

Dscadnères, fèr sbòcia mascherè,
scavalchèr tótti quanti äl ramè,
pò inpastànd tajadèl só al tulîr
un lîfting d’Elvêzia savurîr!

E magnànd na gamèla ed turtî
stra cudghén e insalè, cantè! bvî!
scrivî poesî in bulgnais al fnistrén!

Pò biasè svêlt sfrâpel col zrisén,
ventetrai quâi con pió d un cretén
e sóppa inglaisa insàmm a un indvén!

A ste pónt, cagiaràtt cuntintè,
al trésst melòc’ arî dè cumiè
e con sî valzer par cunpagnî
la lôrgna l’andarà vî anca lî!

E l indimenticâbil Caranvèl
l armagnarà lé a tstimugnèr
al gósst dla zänt par la libartè
che lavurànd la s l’é concuistè!


Per festeggiare l'arrivo del Carnevale (particolari quelli di San Giovanni in Persiceto e Cento), una poesia di Sandro Sermenghi. Buon fine settimana a tutti dal Sito Bolognese, www.bulgnais.com

Inserito da: Veronesi in data 16/2/2004, 13:0
Scritto in Emiliano per la parte Poesie di Internet Padano

Condividi:
Modifica questo articolo

Visualizza tutti gli articoli

Focus