Poesie

Stampa questo articolo

La roeuda la gira

Elena Medhelan

O dònn gh’è chì el moletta Se gh’avìi el cortell coi dent
Se gh’avìi la forbesetta
Che taja pù per nient
Cortell e forbesetta
O dònn portèmej chì
No gh’è nessun moletta
Che mola mèj de mì,
No gh’è nessun moletta
Che mola mèj de mì.
E gira la roeuda la gira
E la gira la roeuda e la và
Gira gira Giovann che vègn sira
Ma la roeuda la stenta a girà.
L’è on pezz che foo girà
Sta roeuda innanz e indree
Ma mai podaroo vanzà
Cinq ghèj de sto mestee
L’è inutil penàgh sora
L’è inscì che la gh’ha de ‘ndà
Sta roeuda sòtt e sora
Mì gh’hoo de fa girà,
sta roeuda sòtt e sora
mi gh’hoo de fà girà.
E gira la roeuda la gira
E la gira la roeuda e la và
Gira gira Giovann che vègn sira
Ma la roeuda la stenta a girà.
Lassèm ch’ el mond el gira
E gira anca la lunaùcome i tosann de sira
In cerca de fortuna
E mì col mè carètt
Voo in gir de chì e de là :
O dònn gh’è chi e moletta
Se gh’ avìi de fà molà,
O dònn ghè chi el moletta
Se gh’avìi de fà molà.
E gira la roeuda la gira
E la gira la roeuda e la và
Gira gira Giovann che vègn sira
Ma la roeuda la stenta a girà.
E gira, gira, gira, gira, gira… là !

Inserito da: Veronesi in data 3/7/2004, 23:58
Scritto in Insubre per la parte Poesie di Internet Padano

Condividi:
Modifica questo articolo

Visualizza tutti gli articoli

Focus