Culture

Stampa questo articolo

Un zardén par Quinto

Sozietè pr al Sît Bulgnais

Da Al Pånt dla Biånnda http://www.bulgnais.com/alpantdlabiannda.html
ebdromedèri bulgnais, febrèr 2003

Un zardén par Quinto

Int la riugnån tgnó ai 4 ed febrèr, só prupòsta dal sénndic, la Cumisiån
Toponomâstica dla Cmónna l'à dezîs d intitolèr un zardén al nòster Quinto
Ferèri [cantànt bulgnais ch'l à arnuvè la canzån dialetèl:
http://www.bulgnais.com/musica.html ]
e nuèter a n psän fèr èter che dîri grâzie ed côr. Al n é brîsa stè pusébbil
dedichèri una strè såul pr al fât che däl vî col nómm "Ferrari" ai n é bèle
dåu (Severino e Enzo) e alåura i an pinsè d intitolèri un zardén in zòna
Bèrca, atais a una scôla. A vlän sperèr che la Cmónna la s dégga quèl quand
i mitràn la tèrga, parché as piasrêv d èser lé in dimónndi par cantèr tótt
insàmm La madunénna dal Båurg San Pîr.

Adès ai avanza da purtèr a bån fén la prupòsta d arcurdèr anc al profesåur
Pietro Mainoldi che, con i sû stûdi e äl såu publicaziån, par prémm al dé la
drétta gióssta par scrîver cum và al nòster dialàtt.

--------------------------------
Pr abunères al Pånt dla Biånnda: 051/563927

Inserito da: Veronesi in data 24/2/2003, 19:9
Scritto in Emiliano per la parte Culture di Internet Padano

Condividi:
Modifica questo articolo

Visualizza tutti gli articoli

Focus